ابنة علي الحجار تخرج عن صمتها وتهاجم محمد رمضان بعد سنوات من خلافاته مع والدها

بعد حديث البعض عن انتهاء خلافات الفنان محمد رمضان مع المطرب علي الحجار باجتماعهما للمرة الأولى في إعلان في موسم رمضان الماضي، جددت ابنة علي الحجار الحديث عن الخلاف بكشفها القصة الكاملة لها وكذبت ما قاله محمد رمضان في احدى لقاءاته القديمة.

ابنة علي الحجار تكشف القصة الكاملة لخلاف والدها مع محمد رمضان

ويبدو ان الجدل المثار حالياً حول محمد رمضان قد دفع ابنة علي الحجار لكشف تفاصيل جديدة عن خلاف والدها معه، خاصة مع حديثه عن تعرضه للظلم والاضطهاد في الوسط الفني وهو ما استفزها ودفعها لنشر قصة الخلاف كاملة وتكذيب رمضان، والذي قال من قبل ان الحجار طرده من احدى المسرحيات بسبب خطفه الأضواء منه، وقالت مشيرة الحجار في منشور لها على فيسبوك:"القصة دي رمضان حكاها كذا مرة في برامج و كل مرة يغير فيها تفصيلة بسيطة، و ابويا عمره ما رد، و كان شايف ان الموضوع مش مستاهل يترد عليه. و انا الصراحة مستغربة جدا هو ازاي بيحكيها بثة قوي كده و جاب الخيال ده منين؟!".

وتابعت:" انا قررت دلوقتي اني اقول القصة الحقيقية لأن ابوية يستاهل ده، و ده حق ربنا، و هيشهد على كلامي اخويا لأنه كان له دور رئيسي في المسرحية، غير ان طبعا المسرحية ليها ابطال و مخرج عارفين الحقيقة. الي حصل ان المخرج اختلف مع محمود عزب احد الابطال، خلاف شخصي فقرر يفاجيء الفنانين بانه جاب رمضان يوم واحد. علي الحجار شاف ان عزب مايستحقش كدة بعد تعبه في 6 شهور بروفات و قال لرمضان وقتها انت ملكش علاقة بالموضوع خالص و كان حيادي جدا. فقرة الناس اللي كتفوه و ضربوه دي ما حصلتش، ولا عمر ابويا اصلا كان عنده بودي جارد، و موضوع القلم الالماظ عليه علامات استفهام كتير!!"

وهاجمت ابنة علي الحجار محمد رمضان بسبب حديثه المتكرر عن والدها وعن معاناته في بداياته الفنية وقالت:"جو المعاناة اللي رمضان عايش فيه ده و ان الناس افترت عليه و هو صامد كالجبل رخيص قوي، و الكدبة ان دلت على حاجة فهي تدل على شخصية صاحبها. اتعرفوا كويس على الفنان المكافح محمد رمضان! و على فكرة كلنا بنكافح بطريقتنا. ابويا نفسه جي من عيلة بسيطة و كافح و بنى نفسه بس الموضوع مش لبانة في بقه يستعطف بيه الناس.احنا في زمن الكدب و الافتراء شيء عادي جدا، و الكدبة او الفضيحة تنتشر اه، انما تنشر الحق؟ لأ طبعا! الناس تحب الفضايح!"