الفنان أحمد سعد يُبكي عروس.. و السبب؟
في حادثة مثيرة أبكى الفنان المصري أحمد سعد عروساً خلال إحيائه لأحد الأعراس. وفي التفاصيل شرح الفنان المصري في تعليق على صور من حفل الزفاف ما جرى خلال إحيائه الحفل فقال: "كنت بغني في فرح ولكن الفرح كان مليء بالبكاء بدأت بأغنية (كل يوم) والناس مبسوطة وبعدها بغني أغنية (بحبك يا صاحبي) قامو الناس جريوا عليا بسرعة وقالوا لي لأ ماتغنيش أغنيهة بحبك ياصحبي".
وأضاف:"مافهمتش في ايه؟! فماغنتش (بحبك ياصاحبي) والعروسة قامت بتعيط وجريت بعيد عن الفرح".
وتابع أحمد سعد: "فغنيت أغنية تانية قامت العروسة قامت تاني وعيطت وسابت الفرح! مكنتش فاهم في ايه؟! طب أغني ايه؟! المعازيم قالولي معلش لان هي بتحب ابوها جدا وابوها كان بيحبك حب غير عادي وانت بالنسبة له اهم حد وكل الاغاني بتاعتك لها ذكريات مع ابوها".
وأضاف "وهي كانت بتغنيله (بحبك ياصاحبي) لو هو موجود دلوقتي كان اول حد هايجيبه يغني في الفرح كان هايكون انت، ومش العروسة هي اللي جابتني الفرح. العروسة في الفرح طول الوقت تبصلي وتفتكر ابوها وتعيط".
وفي نهاية التعليق قال سعد: "العروسة دي علمتني يعني ايه بنت بتحب ابوها وان الحب ده قد ايه حقيقي وصادق ونقي وان الاب ده كان راجل طيب و أب حنين علشان يتغناله من بنته بحبك ياصاحبي الله يرحمه".
