ياسمينا توجه عتاباً كبيراً لجمهورها: "انا ما تغيرتش"
إحسان علّوه
ياسمينا
ياسمينا..وصورة سلفي لها
ياسمينا..منسجمة بالغناء
ياسمينا خلال اطلالتها بإحدى الحفلات الغنائية
يبدو ان الموهبة المصرية ياسمينا تواجه حملة انتقادات واسعة عقب التغييرات التي طرأت على شكلها وأزيائها ومستوى معيشتها بعد فترة مشاركتها في برنامج "اراب غوت تالنت" مما دفعها الى خط رسالة طويلة عبر مواقع التواصل الاجتماعي لتوضيح بعض الأمور لجمهورها.
وكتبت ياسمينا: "عشان نوفر كلام وكومنتات ملهاش لازمة واوضح لناس نقاط كتير كان نفسي اتكلم فيها... الناس اللي بتقارن شكلي يوم "الاودشين" (خلال مرحلة الاختبارات ببرنامج اراب غوت تالنت)، ببعد كدا وتقولي نضفنا او كلام ذي دا..يوم "الاوديشين" كنت قبله بيومين بظبط في الشاليه ووخدت لون ذي الفل غير، كنت ما نمتش لمدة يومين وماكلتش اطلاقا..غير تعب والسفر من الساعه 7 الصبح في مكان الاختبارات لغايه الليل متوترين وتعبانين".
واضافت: "انا محبتش ولا اهتميت احط ميك اب ولا اعمل شعري ولا اي حاجه، لدرجة كل اللي يعرفني وشاف "الاوديشين" يقولي هو انتي كنتي تعبانه؟ .. يعني مش حد يجبلي الصورة دي ويقول يا شوفه كانت ازاي؟! دا الواحد لما بيصحي من النوم بيكون شكله متغير يعني شوية انصاف".
كما اشارت الى منتقديها الذي اتهموها بأن "الفلوس" غيرتها قائلة: "انا مفيش حاجة اتغيرت نهائي عندي او زادت، ببساطة مخدتش فلوس من البرنامج او اي حاجه ومش محتاجه والحمدلله ذي ما ربنا انعم عليا ووهبني وكرمني بصوتي اللي مليش يد فيه رزقني بعائلتي وضعي المادي والاجتماعي الميسور اللي معروف لناس كتير اووي وبحمد ربنا طبعا عليه.. ونقطة اللبس فستاني دا ميفرقش حاجة عن فساتين البرنامج نهائي.. ولا بقت هدومي فيها عري ولا حاجة ذي معظم بنات سني في مصر بس اوضح وافهمكم عشان محبش اشوف حاجة تزعلني منكم".
وانتم ما رأيكم؟ هل تقفون الى جانب ياسمينا بالدفاع عن نفسها أم انكم تنضمون الى صف منتقديها؟
ياسمينا خلال اولى ادائها في برنامج "اراب غوت تالنت"
