صور بسمة وهبة تكشف لأول مرة تفاصيل رحلة علاجها من السرطان

كشفت الإعلامية بسمة وهبة لأول مرة عن رحلتها مع مرض السرطان، وكيف استطاعت أن تنتصر في معركتها عليه، وأرادت الاعلامية أن تنشر قصتها مع السرطان تحديدا بعدما رأت رحيل أكثر من نجم بسببه خلال الفترة الماضية وعلى رأسهم الفنان فاروق الفيشاوي والشابة ميشال حجل وصيفة ملكة جمال لبنان.

بسمة وهبة تنشر تفاصيل رحلتها مع السرطان

نشرت الإعلامية بسمة وهبة عبر حسابها على "فيس بوك" تفاصيل رحلتها مع مرض السرطان وكيف نجحت في مقاومته والانتصار عليه ورغبت الإعلامية في شرح تلك الرحلة في سبيل معرفة كل انسان بها ومقاومة هذا المرض فقالت:" (للأسف سرطان يا بسمة) الجملة دي سمعتها من الدكتور بتاعي بعد الكشف والتحاليل، لاقيته بيقولهالي عشان آلاقى نفسي فِي لحظة وبدون تفكير بقول "إنا لله وإنا إليه راجعون، اللهم أجرني في مصيبتي واخلف لي خيراً منها"، قعدت أرددها بشكل فاجئني أنا شخصياً! كان ساعتها وفِي لحظتها لازم اختار، هل استسلم للعدو ده؟ ولا أواجه وأحارب المعركة دي عشان الخسارة هنا مش زي أي خسارة  دي حياتي حرفياً!".

بسمة وهبة كشفت كذلك عن الخوف الذي أصيبت به بعد معرفتها بالمرض وحزن المقربين منها، لكنها أصرت على المقاومة من أجل أبنائها وزوجها وأفراد عائلتها الكبيرة حيث كانت تردد جملة:"يا أغلبه يا يغلبني"، وأضافت :"كان الدكتور يبقى عايز يقولي الأعراض الجانبية للكيماوي أو العلاج كنت أقوله لا، مش عايزة أعرف ! كنت أقول مش يمكن ربنا يعديها عليا من غير ما أختبر كل اللي هيقوله، ليه أعرف وأبقى مستنية العفريت يطلعلي .. شعري لما وقع قلت وماله ما كان ممكن شعري نفسه يتعب أو يحصل أي حاجة ويقع بردو .. ربنا كريم وبيعوض".

بسمة وهبة لم تنزعج من سقوط شعرها

التأثيرات الجانبية للعلاج من السرطان والتي من أبرزها سقوط الشعر لم تزعج الإعلامية بسمة وهبة بل أكدت أنها كانت تخرج بدون باروكة رغم رفض المقربين منها لذلك فقالت:"كنت أخرج من غير باروكة ألاقي المقربين مني بيزعقوا ويقولولي لا، خايفين عليا من نظرة شفقة أو حسرة أو تشفي، كنت بقول لا ، لو دي نقطة ضعف ، لو البعض هيشوفها كده ، فأنا ما قدميش غير المواجهة يا أما هتاكل فيا وتقضي عليا !ماتفتكروش من الكلام ده إني قوية أو أني يعني كنت قادرة أوي بالعكس كان فيه لحظات إنكسار، لحظات ألم ووجع ماحدش أبداً .. أبداً هيعرفها أو يعرف وقعها عليا ماحدش هيحسها زي ما أنا حسيتها، بس مع كل لحظة ألم كنت بدور على باب للأمل في ضحكة من ولادي في طبطبة جوزي في حضن أهلي  أصل كلنا عندنا شخص بنحبه وبيعز علينا فراقه وأنا ماكنتش مستعدة أفارق خصوصاً لو الخيار متروك ليا".

بسمة وهبة لمرضى السرطان :" لا تيأسوا"

دعمت الإعلامية بسمة وهبة المصابين بمرض السرطان وأكدت أن الرحلة رغم صعوبتها لكن الأمل يبقى موجودا وأنه يجب دعم كل مريض في رحلته فقالت:" بعد ما خفيت الحمد لله كنت طول الوقت أقول ياه فكم لله من لطف خفي يدق خفاه عن فهم الذكي وكم يسر أتى من بعد عسر ففرج كربة القلب الشجي "، كم لله من لطف خفي في حياتي وحياتنا ؟كم لله من منح جت في شكل مِحن ؟إزاي كانت جوايز لينا في الرحلة اللي استصعبناها وإزاي مهما يأسنا وافتكرنا إن الدنيا ضلمت دايما الأمل موجود ماتيأس عشان الأمل موجود بينا وباللي بنحبهم !ربنا يقدر كل شخص على رحلته ويقدرنا نساعد وندعم كل شخص محتاج دفعة للأمام ويشفي كل مريض بيحاول يلاقي " باب للأمل" ".