بصورتها من المستشفى..ياسمين غيث تكشف عن إصابتها التي كادت أن تقضي على حياتها بعد وفاة هيثم أحمد زكي

أقلقت الفنانة الشابة ياسمين غيث، متابعيها على حالتها الصحية، بعد تعرضها لأزمة قلبية حادة بالأمس عقب علمها بتفاصيل وفاة الفنان الراحل هيثم أحمد زكي.

ياسمين غيث في المستشفى

ونشرت ياسمين غيث عبر حسابها على موقع انستجرام صورة لها من داخل المستشفى وطمأنت الجمهور على حالتها الصحية، وروت تفاصيل ما حدث لها وكيف كانت على وشك أن تفقد حياتها بسبب العيش بمفردها، مثلما حدث مع الفنان الشاب الراحل.

وكتبت ياسمين: "أنا كويسة الحمد لله.. بس الحقيقة إن أنا النهارده الصبح كنت حرفياً بموت.. صحيت على خبر وفاة هيثم أحمد زكي (اللي أثر فيا ووجع لي قلبي قوي من غير ماعرفه) زي غالباً مصر كلها.. وأجبرت نفسي على النوم تاني علشان مافكرش، وكانت دي النتيجة.. صحيت على وجع في صدري رهيب، وجع ناحية قلبي وفضل يزيد جامد قوي وضربات قلبي تعلى وتنزل في لحظة وقلت خلاص دي غالباً يا جلطة يا heart attack في الطريق".

أزمة صحية لياسمين غيث كادت أن تودي بحياتها

وأضافت: "كنت لوحدي في البيت.. وركزوا معايا في لوحدي دي، لحسن حظي كانت صاحبتي جاية تاخدني وننزل، طلعت لي لقتني بموت حرفياً وبقول لها خديني المستشفي حالاً أنا بيجيلي heart attack".

وتابعت أنها ذهبت بالفعل للمستشفى برفقة صديقتها وخضعت لعدة فحوصات، لكن الأطباء أكدوا لها أن الأمر طبيعي، بلارغم من إحساسها الشديدة بالتعب والأوجاع التي جعلتها تصرخ بشدة، وأضافت: "بقيت بعيط وبفتكر كل اللي حصل لي في حياتي وبقول لهم والنبي أنا خايفة، أنا مش عايزة أموت دلوقتي مش عايزة أسيب ابني".

وكشفت ياسمين غيث عن أن تشخيص حالتها كان عبارة عن نوبة خوف، وهو ما جعل الأطباء يعطوها بعض المهدئات بسبب حالة التوتر التي عانت منها، ولفتت إلى أنها منذ تعبها السابق وإصابتها بمرض السرطان، وهي بدأت تشعربحالة خوف من المرض والضعف.

علاقة هيثم أحمد زكي بأزمة ياسمين

وواصلت حديثها وتذكرت الفنان هيثم أحمد زكي، وقالت: "بدأت أتخيل الغلبان ده هيثم، اللي ممكن يكون حصل له حاجة شبه كده بس كان لوحده فمالاقاش اللي ينقذه ويوديه المستشفى وبدأت أفكر إن تاني ربنا بيحاول يوعظنا كلنا بحد محبوب من كل الناس.. الوحدة وحشة قوي يا جماعة، كفاية نحكم على بعض من بعيد لبعيد، كفاية بعد وجفاء، كفاية كلام على بعض، كفاية تشكيك في بعض، كفاية تناكة وقرف، كفاية كفاية.. الدنيا بتخلص في لحظة ويا رب ما تخلصش بينا واحنا لوحدنا.. ربنا يرحمك يا هيثم ويرحمنا جميعاً".

 

 

 

 

View this post on Instagram