نجوم يساندون رامي جمال بعد إصابته بمرض البهاق: كل الناس بتحبك
نجوم يساندون رامي جمال بعد إصابته بمرض البهاق
البسا تدعم رامي جمال بعد إصابته بمرض البهاق
زينة تساند رامي جمال
رامي جمال يعلن إصابته بمرض البهاق
رامي جمال يتلقى رسائل الدعم من الجمهور
رامي جمال
تدوينة رامي جمال
رامي جمال مصاب بمرض البهاق ويقكر بالاعتزال
سارع عدد من النجوم الى التعبير عن دعمهم ومساندتهم لزميلهم الفنان المصري رامي جمال عقب كشفه عن إصابته بمرض البهاق وتفكيره بالإعتزال جراء ذلك، ومن بين هؤلاء إليسا، و تامر حسني، و زينة رضا، والفنان احمد جمال، والفنانة شذى وغيرهم، ودعوه الى عدم الإعتزال معربين عن محبتهم الكبيرة مع الجمهور له.
اليسا لرامي جمال : ممنوع تغيب
الفنانة إليسا التي انتصرت سابقا على اصابتها بسرطان الثدي ولم تدع المرض يوقفها عن الغناء، وجهت رسالة دعم لزميلها المصري الفنان رامي جمال طالبته فيها بعدم الاستسلام أو التفكير في الاعتزال.
وغردت إليسا عبر حسابها على تويتر قائلة: "ممنوع تغيب وممنوع يكون البهاق عذرلغيابك أنت بتقول ابتليت بالبهاق، بس مش سبب لتخاف وتغيب فى ناس ابتليت بالكذب والخيانة وماهزت، وجودك أساسي ومثل ما أنت بتقول: أصل الحكاية مش حكاية شكل حكاية روح".
زينة رضا: قلبي معاك
الممثلة زينة رضا دعمت مواطنها رامي جمال في مواجهته للمحنة التي ابتلاه الله بها، وكتبت له تدوينة عبر انستغرام جاء فيها :"انسان محترم ربنا يعفو عنك ...للاسف احنا في دنيا مابترحمش والنَّاس بقت صعبه ياريت نحاول يكون في قلوبنا رحمة ...انت انسان موهوب يمكن انا ما تشرفتش بمعرفتك بس قلبي معاك واوعي تفكر تتهزم ده مرض عادي وربنا يعفوا عنك وقول الحمد لله والنَّاس الرحيمة كتير واعتبرني من اهلك والإنسان بموهبته واحترامه وأخلاقه وبس".
بدوره، الفنان تامر حسني دعا بالشفاء العاجل لزميله رامي جمال قائلًا له " ربنا يشفيك يا رامي أنت أقوى من أي مرض".
أحمد جمال: جمهورك هيفضل يحبك
الفنان أحمد جمال وجه رسالة حب وتقدير لمواطنه رامي جمال، فكتب له عبر تويتر :"سلامتك يا رامي يا حبيبي، أولاً ربنا ما بيختارش غير الخير و تأكد ان كل اللي بيحصلنا في الدنيا من تدبير ربنا و رحمته بينا، ثانياً جمهورك اللي بيحبك هيفضل يحبك و مكمل معاك بأي شكل و ف أي وقت، ثالثاً و ده الاهم مفيش " جمال " ضعيف كل عيلة جمال جامدين ، يلا يا بطل انا مستني الألبوم".
سلامتك يا رامي يا حبيبي
— Ahmed Gamal (@IdolAhmedGamal) November 11, 2019
أولاً ربنا ما بيختارش غير الخير و تأكد ان كل اللي بيحصلنا في الدنيا من تدبير ربنا و رحمته بينا
ثانياً جمهورك اللي بيحبك هيفضل يحبك و مكمل معاك بأي شكل و ف أي وقت
ثالثاً و ده الاهم مفيش " جمال " ضعيف كل عيلة جمال جامدين يلا يا بطل انا مستني الألبوم
لطيفة التونسية: إحنا بنحبك على موهبتك
الفنانة لطيفة غردت لرامي جمال قائلة: "حبيب قلبى يا رامى يا مبدع يا محترم يا مختلف اوعى تفكر كده أول حاجة لازم تقول الحمد الله على كل حاجة ربنا يكتبهالنا، تانى حاجة دى حاجة حصلت لناس كتير واتعالجت منها الحمد الله وبعدين إحنا بنحبك على موهبتك وفنك الرائع وكل جمهورك، وأنا منهم، بنبقى مستنيين جديدك دايما".
ايمان العاصي: انت أقوي من أي حاجة
الفنانة إيمان العاصي: "حبيبي يا رامي انت أقوي من أي حاجة وفنان وموهوب ونجم وكل ده ولا حاجة قصاد نجاحك وحبك لفنك، ربنا يقدرك على الناس عديمة الإحساس، ربنا يخليلك ناريمان بالدنيا".
المطربة شذى: كلنا في ضهرك
المطربة المصرية شذى روت تجربة أليمة مرت فيها لمنح المعنويات لزميلها، فكتبت له :""أولا أنت فنان مهم وقوي واللي يخاف يسلم ميلزمكش وأنت لامس قلوب ناس كتير بألحانك وبأغانيك المرض ده ابتلاء من عند ربنا، والناس اللي مبتقدرش دول مش مهمين لأن اللي بيقدروا أكتر بكتير ربنا يكرمك وينجحك أكتر ويخليك لكل الناس اللي بتحبك وأهلك ومراتك".
واستكملت "تجربتي الشخصية فيها كمية ابتلاء أنا نفسي عشتها تكسر ضهر جمل بقولك كمل وكلنا في ضهرك إحنا بنقوى بالناس اللي بتحبنا وبتدعمنا والحمدلله على المحن اللي بتعرفنا حبايبنا من أعدائنا".
محمد نور : كل الناس بتحبك
المطرب محمد نور ساند زميله رامي جمال عبر حسابه في "انستجرام" قائلا له: "إيه اللي إنت بتقوله ده.. دي حاجة عادية، زي أي حاجة.. أنت جميل وكل الناس بتحبك، فنان كبير وأنا من أول جمهورك، وأول واحد قلتلك لازم تغني، أخويا وصاحب عمري، بحبك قد الدنيا".
مرض رامي جمال بالبهاق
وفاجأ رامي جمال الجمهور والوسط الفني بكشفه عن تفاصيل اصابته بمرض البهاق و التي بدأت قبل نحو عام، كاشفا عن معاناته لـ تفادي مخاوف الناس من المرض، وإخفاء أعراض مرضه، مشيرا الى تفكيره في الاعتزال.
من جهتهم، تضامن المتابعين مع رامي جمال بعد ان كشف تفاصيل اصابته بالبهاق وطالبوه بعدم الاعتزال والاستمرار في مسيرته الفنية، خاصة انه شوق جمهوره منذ فترة بطرح ألبومه الجديد والخامس في حياته الفنية بعد آخر ألبوماته "فترة مش سهلة"،
