أسما شريف منير تحكي قصة انفصالها عن زوجها الأول في كتاب "طلقني"!
أسما شريف منير
الإعلامية الشابة أسما شريف منير
أسما شريف منير
أسما شريف منير
كتاب "طلقني" لأسما شريف منير
أسما شريف منير وزوجها
فاجأت الإعلامية وخبيرة التجميل أسما شريف منير متابعيها بالإعلان عن طرح أول كتاب لها في الأسواق والذي يحمل عنوان "طلقني" وتكشف من خلاله عن أزمة طلاقها من زوجها الاول.
أسما شريف منير تصدر أول كتاب لها بعنوان "طلقني"
نشرت الإعلامية أسما منير ابنة الفنان شريف منير عبر حسابها على "أنستجرام" فيديو ترويجي قصير عن كتابها الجديد الذي يحمل عنوان "طلقني" والذي يعد تجربتها الأولى في عالم الكتابة وعلقت أسما على الفيديو مؤكدة أنها حققت أحد أحلام الطفولة التي كانت تتمنى تحقيقه فكتبت: "لسه فاكره رحلة المدرسة لمعرض الكتاب وسعادتي وأنا هناك ماكنتش اتخيل ابدًا إنّي هكون بشارك بكتاب في يوم من الأيام، اه طول عمري عندي حلم بعيد كده إني في يوم هكتب كتاب مش عارفه عن ايه و لا امتي بس كنت حاسّه إنّي في يوم هعمل كده بس كنت فاكره انه هيكون في يوم أبعد بكتير عن دلوقتي".
كواليس إصدار كتاب "طلقني" لأسما شريف منير
وتحدثت أسما منير عن كواليس إصدار كتابها فقالت: "لمّا رحت المعرض السنة اللي فاتت كنت بقول لـ (حجازي) يومًا ما كتابي هيبقى هنا وضحكت، مكنتش اعرف انه قريب كده، بس هشام رجب صديقي وأخويا اشتغلنا مع بعض قبل كده في البرنامج و بعد كده كل واحد فينا اتسحل في شغله.. وفجأة لقيته بيكلمني بيقولي ها هتشتغلي علي أول كتاب إمتي، قلتله كمان كام سنة كده ان شاء الله، قالي لأ يلا هو السنادي، قلتله وش كده! قالي اه هو وش كده، أنا عارف انك هتعملي حاجه حلوة وأنا هساعدك وفعلاً اشتغلنا علي الموضوع وساعدني لحد ما كلّمني وقالي أن الكتاب أطبع".
كتاب "طلقني" يتناول أزمة طلاق أسما شريف منير
وكتبت أسما شريف منير في ترويجها للكتاب الذي أعتبرته جزء من تجربتها الشخصية حيث أنها مرت بمرحلة صعبة في زواجها الأول والذي انتهى بالطلاق فكتبت: "كتاب طلقني اللي بين اديكم دلوقتي بفتحلكم فيه باب حياتي زي ما عودتكم ديماً بس المرة دي بتدخلوا معايا منطقة خاصة جداً في حكاية حقيقية من واقع تجربة صاحبتها اللي بتكلّمكم علشان توفّر عليكم الوقت والمجهود و تعب الأعصاب، انا بحكيلِكم علشان خايفة عليكم وبتمنى تستفيدوا وأكون سبب يخليكم تعملوا حاجة حلوة لحياتِكم، طلقني أول تجربة ليًا في الكتابة، هحكيلكم فيها من قلبي عن حياتي و انا واثقة أنكم مش هتندموا".
أسما شريف منير تستعد لكتاب جديد
وكشفت أسما شريف منير عن موعد حفل توقيع كتاب "طلقني" كما أعلنت عن بداية تحضيرها لكتاب جديد خلال الفترة القادمة، فكتبت: "رحلة خطيرة وكلها سهر وتطبيق، مفيش نوم وحاجه كده فيها أدرينالين لدرجة إنّي أول ما خلّصت قلت أنا لازم اشتغل علي المشروع اللي جاي من كتر ما هو احساس ممتع، عايزة اشكر الفنان كريم ادم علي تصميم الغلاف، واشكر "ليلى" أختي، "بلال" صديق عمري، حنان إسماعيل وهلا علي وقفتهم جنبي ومساعدتهم ليّا في رحلة الكتاب لحد ما دخل المطبعة، وجوزي حبيبي و حياتي علي وقفته جنبي وفرحته بيا، بإذن الله حفلة توقيع يوم السبت ١ فبراير متحمسه جداً إني أشوفكم".
