ردود فعل النجوم على قرار منع أغاني المهرجانات.. تضامن واسع وهاني شاكر يتعرض للسخرية!
هاني شاكر
محمود العسيلي
رامي صبري
لقاء الخميسي
اوكا واورتيجا
أثار قرار هاني شاكر، نقيبب الموسيقيين، بمنع فرق المهرجانات من الغناء واحياء الحفلات جدلاً واسعاً في الأيام الأخيرة وتعرض بسببه شاكر إلى السخرية والهجوم على مواقع التواصل بالإضافة إلى انتقادات من قبل بعض نجوم الوسط الفني.
تضامن من النجوم مع فرق المهرجانات بعد منعهم من الغناء
وتضامن عدد من نجوم الفن مع فرق المهرجانات بعد قرار منعهم من الغناء ومنهم الفنان محمود العسيلي الذي كتب قائلاً:" يعني ايه ان احنا ممكن في سنة٢٠٢٠ نمنع نوع كامل من المزيكا و لا وايه اكتر نوع مزيكا مسموع في الشارع المصري .. ليه منقننش الأوضاع و البلد تكسب منهم فلوس و هما يعمله فلوس و يبقى في رقابة عادلة و مظبوطة على المحتوى بدل ما ندبح جيل كامل فيهم ناس موهوبين بجد و ان كانوا قلة".
يعني ايه ان احنا ممكن في #سنة٢٠٢٠ نمنع نوع كامل من المزيكا و لا وايه اكتر نوع مزيكا مسموع في الشارع المصري .. ليه منقننش الأوضاع و البلد تكسب منهم فلوس و هما يعمله فلوس و يبقى في رقابة عادلة و مظبوطة على المحتوى بدل ما ندبح جيل كامل فيهم ناس موهوبين بجد و ان كانوا قلة..
— Mahmoud El Esseily (@Esseily) February 18, 2020
لقاء الخميسي ورامي صبري والعسيلي يتضامنون مع المهرجانات
ونشرت الفنانة لقاء الخميسي تدوينة مطولة عبرت بها عن مساندتها لنجوم المهرجانات وعارضت قرار منعهم وقالت بها:" انا مش مع وقف مغني خد تصريح قبل كدا من الرقابه وبيقدم لون شعبي وليه جمهور عريض .. بالعكس انا مع احتضانه والاتفاق معاه بإنه يختار كلمات الاغنيه بعنايه طالما انا عندي يقين انه ممكن يفيد البلد في تقويم الجمهور..".
بمناسبة الهجوم على فنانين و أغاني المهرجانات .. أنا مع الفن و حرية الإبداع في المطلق و ضد الرقابة و الوصاية لأن دا دور الجمهور لوحده.
— رشا مهدي Rasha Mahdi (@RashaMahdi) February 17, 2020
المتهم اللي بتدورو عليه بتهمة إفساد الذوق العام هو أي حد مهمل في شغله.
الفن يمكن يكون هوا اللي مهون عالناس غُلبها مش هو اللي غالبها.#رفقا_بالفن
وقالت الفنانة رشا مهدي عبر حسابها بتويتر:" بمناسبة الهجوم على فنانين و أغاني المهرجانات .. أنا مع الفن و حرية الإبداع في المطلق و ضد الرقابة و الوصاية لأن دا دور الجمهور لوحده.. المتهم اللي بتدورو عليه بتهمة إفساد الذوق العام هو أي حد مهمل في شغله.. الفن يمكن يكون هوا اللي مهون عالناس غُلبها مش هو اللي غالبها."
أما رامي صبري فطالب هاني شاكر بالتفاوض مع نجوم المهرجانات والجلوس معهم وقال:" معلش حاول تقعد مع كل شباب المهرجانات دي في اجتماع كبير وتحطلهم قواعد في طريقه كلام الاغاني يمشو عليها وتبقي مكتوبه ومضيين عليها والاعلام كلو يبقي شاهد عليها . بس بلاش تمنعهم عشان رزقهم واهلهم وكمان عشان في جمهور كبير متابعهم .. وانا عارف انك انسان طيب وفنان كبير وقدوه لينا كلنا طبعا وعايز تحافظ علي الفن في مصر واحنا كلنا عايزين كده . بس بلاش تقطعلهم رزقهم".
هجوم عنيف من بسمة وهبة على هاني شاكر
وهاجمت الإعلامية بسمة وهبة الفنان هاني شاكر بسبب منعه أغاني المهرجانات وطلبت منه تقديم أغاني جيدة بدلاً من انتقاد ما يقدم حالياً، ودافعت وهبة عن أغاني المهرجانات ضد هاني شاكر والذي تعرض لحملة سخرية واسعة بسبب قرار منعه للمهرجانات وتصدرت عدة هاشتاقات ساخرة منه موقع تويتر في الأيام الماضية.
