أول رد من تامر حسني بعد إعلان بسمة بوسيل انفصالهما:"تصرف متهور بس بحبك"

تامر حسني قرر الرد أخيرًا على أزمته مع زوجته الفنانة المغربية بسمة بوسيل، بعد أن تصدر اسمهما منصات البحث على الإنترنت، عقب إعلان بسمة انفصالها عنه وانتظارها الطلاق الرسمي بسبب خلافات بينهما.

أول رد من تامر حسني على انفصاله عن بسمة بوسيل

تامر حسني قرر الرد على الأمر برسالة طويلة نشرها عبر خاصية القصص القصيرة على حسابه بانستجرام، وعاتب فيها زوجته ووالدة أبنائه، على نشرها تفاصيل حياتهما الخاصة على مواقع التواصل الاجتماعي، كما عاتبها على تصديقها لبعض الشائعات التي تقال عنه.

وكتب تامر حسني في رسالته: "بسمة حبيبتي للأسف انتي مفكرتيش كويس وسلمتي ودنك لشر السوشيال ميديا عشان كام تعليق فارغ نسوكي انك عرفتيني وانا مشهور ودي طبيعة شغلي اللي عرفتيني وحبتيني بيها... إزاي وصلوكي للزعل والبعد فترة ".

تامر حسني يعاتب زوجته بسمة بوسيل

وتابع تامر حسني: "المهم انا مش هزعل منك ولا يرضيني زعلك انتي حبيبتي وأم ولادي.. أنا ضهرك وسندك مهما حصل، بس اللي عايز اقوله لعل نكون سبب خير في توعية ناس كتير .. ليه لما اي حد بيزعل من حد بيطلع يكتب على السوشيال ميديا؟، طب حتى يكلمه الاول.. إيه علاقة الناس بمشكلة شخصية بين اتنين ممكن تتحل بالتليفون او في زيارة رحيمة ما بينهم وياريتها مشكلة اصلا". 

وأضاف: "للأسف انتي عارفة إن في ناس في طبيعتهم حب خراب البيوت ومش هنخلص منهم، المهم انتي اللي تخلصي من فكرة انك تسمعيهم مع انك مكنتيش كده، ياريتك تركزي مع طاقة الناس اللي دعوا لنا ودعوا لولادنا بكل خير.. أنا واثق انك دلوقتي زعلانة انك كتبتي كدا.. هو تصرف متهور منك بس ولا يهمك مش عيب إن الانسان يغلط ويتعلم وأنا ياما علمتك ولسة هعلمك".

تامر حسني يعبر عن حبه لزوجته

واختتم رسالته لزوجته بسمة بوسيل: "كان نفسي الكلام دا يكون ما بينا لكن انتي اشركتي الجمهور الكريم فكان لازم أرد.. بينا حب غالي وحياة كريمة وأولادنا وبيتنا أغلى ما فيها، ربنا يخلينا ليهم ويخليهم لينا يارب.. متهورة بس بحبك".

كما وجه تامر حسني الشكر لكل الفنانين والمقربين منهم الذين حاولوا إصلاح الأمر بينهما بعد انتشار أنباء طلاقهما مؤخرًا، وكان من بين هؤلاء النجمة الإماراتية أحلام.

انفصال بسمة بوسيل وتامر حسني كان قد تصدر مواقع السوشيال ميديا ليل الجمعة الماضي بعد ما يقارب 8 سنوات من الزواج، وانجاب 3 أطفال، وذلك بعدما أعلنت بسمة بوسيل على نحو مفاجئ، طلاقها منه، وطلبت من الجمهور عدم إرسال صور تامر حسني مع معجباته إليها، وهو الأمر الذي فسره البعض باتهامها له بالخيانة، وقالت في إعلانها:" لكل الناس اللى بتبعتلي صور وفيديوهات لتامر وشايفه أنه مش بيعملي احترام سواء في صور أو فيديوهات، ياريت تبطلوا تبعتولي اي حاجة علشان مش فارق لي اي صور.. كمان احب اعرفكم ان احنا بقالنا فترة منفصلين، وبنحضر أوراق الطلاق لو سمحتم احترموا مشاعر كل حد فينا، وبطلوا على الأقل تبعتولي أنا اي حاجة بالتوفيق للجميع".