خطيبة تامر عاشور السابقة تدخل على خط أزمته مع زوجته:"اتقدملي على أساس إنه مطلق"
تامر عاشور وزوجته السابقة وخطيبته السابقة
تامر عاشور ودارين حلمي
تامر عاشور ودارين حلمي
تامر عاشور وزوجته السابقة سمر ابو شقة
تامر عاشور وزوجته السابقة سمر ابو شقة
تامر عاشور وزوجته السابقة سمر ابو شقة
تامر عاشور أصبح في موقف محرج أمام جمهوره في الفترة الماضية، بعدما خرجت زوجته السابقة سمر أبو شقة بمفاجأة عن عدم طلاقهما حتى الآن، في الوقت الذي دخلت به خطيبته السابقة دارين حلمي على خط الأزمة وكشفت حقيقة ارتباطها به قبل طلاقه.
خطيبة تامر عاشور تكشف حقيقة ارتباطها به قبل طلاقه
ودافعت دارين حلمي، خطيبة تامر عاشور السابقة، عن نفسها بعد اتهامها بالارتباط بتامر عاشور أثناء زواجه من سمر أبو شقة، وذلك بعد تصريحات الأخيرة بعدم طلاقها منه حتى الآن، وكشفها عن طلبها الطلاق بعد ارتباطه بدارين حلمي، ونشرت دارين توضيحاً على انستقرام قالت به:" تامر دخل البيت من بابه واتقدم لأهلي رسمي على أساس انه مُطلق، وده اللي أنا كنت فاهماه زي زي جمهوره، عادي ان بنت ترتبط براجل مُطلق مش أزمة وحصلت الخطوبة بشكل رسمي زي ما عرفتوا ومشيت الأمور في مجراها الطبيعي لحد ما بالصدفة اكتشفت انه لسة زوجته على ذمته وفيه قضايا بينهم و لم يتم الانفصال بشكل رسمي".
خطيبة تامر عاشور السابقة تدخل على خط أزمته مع زوجته
وتابعت دارين حلمي في بيانها:"اي بنت في الموقف ده طبعًا لازم تنسحب مهما كان الحب و مهما كانت العواطف لأن مش دارين حلمي اللي تاخد راجل من زوجته مهما كان هو مين.. في كل مرة بقرر الانسحاب كان تامر بيرفض و ان كده كده الطلاق قائم سواء أنا في حياته أو لأ وده مش يخصني في شئ، و في الأخر أنا صممت على فسخ الخطوبة بمنتهى الاحترام ما بيني و بينه"، وأختتمت دارين رسالتها قائلة:"تامر انسان محترم مشفتش منه غير كل خير واحترام وحب وأنا بحترمه على المستوى الفني والشخصي لكن ده نصيب وربنا يوفقه في حياته واتمني محدش يتكلم في حاجة ميعرفش تفاصيلها".
تعليق جديد من طليقة تامر عاشور على أزمتها معه
ونشرت بعدها سمر أبو شقة، زوجة تامر عاشور السابقة، بياناً جديداً بعد بيان دارين حلمي، وبعد الضجة الكبيرة التي أثارتها بتصريحاتها عن تامر عاشور، وتراجعت عن الهجوم عليه وقالت:" انا وتامر هنفضل نحترم بعض لأن في بينا عشرة وفي بينا بنتنا أيام اللي هتفضل رابط بينا طول العمر، واللي اهم ليا انها ان شاء الله تكبر متلاقيش اي حاجة تضايقها و تلاقي كل هدوء..الموضوع لا ترند ولا شو ولا اي حاجة غير حقيقية وحاجة بتحصل كل يوم بس بيحصل اللي حاصل لما يبقي حد مشهور، احنا اه منفصلين (مش مطلقين) (ولا اطلقنا)..ومرينا بمشاكل زي اي ناس طبيعية، ولكن مهما حصل مفيش حد هيقبل أن يحصل تجريح للتاني ف اللي جاي..ومنعا للمهاترات هي مش حرب مع ابو بنتي ولا عمرها هتكون، والمفروض اننا نتفق بكل هدوء على الطلاق انه يتم خلال الفترة الجاية".
تامر عاشور يتصدر السوشيال ميديا بأزماته العاطفية
ويذكر أن تامر عاشور، عاد في شهر يونيو الماضي، لزوجته الأولى سمر أبو شقة بعد انفصال دام ما يقرب العام ونصف العام، وكان الثنائي قد تزوجا في نهاية العام 2017، لكنهما انفصلا سريعاً بعد أقل من شهر من الزواج وأشار عاشور في ذلك الوقت إلى أن سبب الانفصال يعود لعدم وجود تفاهم بينهما، وبعدها وبالتحديد منتصف العام 2018 انتشرت عدة أنباء عن عودتهما مرة أخرى، ولكن سرعان ما حسم الأمر بالانفصال بعد أن أنجبت سمر ابنتها الأولى من عاشور، وتزامنًا مع إعلان خطبته من دارين حلمي.
