هجوم حاد على تامر عاشور بسبب تعليقه على صورته مع الطفلة المريضة.. هل قصد السخرية؟

تامر عاشور المطرب المصري أثار الجدل بين متابعيه بالأمس بعدما نشر صورة لطفلة مريضة بالسرطان خلال زيارته لها في أحد المستشفيات من أجل تصوير إعلان خاص بالمستشفى، كما طالب الجمهور بالتبرع للمستشفى للمساعدة في علاج الأطفال الموجودين بها، إلا أن الأمر انقلب لحالة من الجدل وأثار استياء الجمهور بسبب تعليق تامر عاشور على تلك الصورة.

تامر عاشور يثير الجدل.. هل قصد السخرية من طفلة مريضة؟

تامر عاشور ظهر في الصورة وهو يعطي ثمرة فاكهة للطفلة المريضة ويمازحها، فعلق قائلًا: "لا خدي انتي انا صايم يا فاطرة.. بحبك"، لكن التعليق اعتبره البعض بمثابة سخرية من الطفلة، فتسبب في حالة هجوم عليه.

تامر عاشور قرر الرد على الجدل الحاصل على تعليقه وصورته مع الطفلة، وتوضيح الأمر، حيث عاد ونشر صورة جديدة وهو يقبل يد الطفلة، وعلق قائلًا: "صباح الخير.. انا طول حياتي ومشواري، عمري ما اتريقت على حد سليم عشان اتريق على مريض حاش لله، واللي اخد كلامي تريقه على مريض نفوسهم ضعيفة وهم اللي مرضى، بيفرقوا بين المريض والشخص الطبيعي".

أول رد من تامر عاشور على أزمة تعليقه على صورته مع أحد المرضى

وأضاف: "لو نزلت صورتي مع أي طفل اللي هو غير مُكلف بالصيام وقلت له بأي طريقة متشربش مياه قدامي يا فاطر أو خد دي يا فاطر أنا صايم، حد هيتكلم؟ مستحيل عشان طفل طبيعي.. لكن المريض لا منهزرش معاه زي الطبيعي عشان هو مريض ونفضل نقول له مريض مريض مريض ونحسسه بمرضه من تعاملاتنا".

تامر عاشور يلوم على بعض زملاء مهنته

وتابع تامر عاشور: "المرض الحقيقي هو التفرقة بين أطفالنا اللي بصحة جيدة ربنا يديهم كل الصحة وأطفالنا اللي ربنا اختارهم للمرض.. المرض الحقيقي هو إن فكرة المعايرة جاتلك قبل 100 فكرة تانية ممكن تجيلك من جمال البنت وضحكها وبهجة الصورة.. وللأسف شوفت كمان حاجه غريبة جدا.. ناس كتير قوي محسوبين على هامش هامش هامش المجال الفني، عمرهم ما شافوا مني حاجة وحشة غير اني مابديهمش مواعيد لاقيتلهم تعليقات كأنهم ما صدقوا لاقولي غلطة وأنصحهم العمر بيجري حاولوا تعملوا حاجة لنفسكم أولى" 

واختتم المطرب المصري: "البنت اللي في الصورة فضلت في حضني طول تصوير الإعلان وبحبها جدا جدا.. ومتفقين انا وهي على حاجات كتير قوي قوي هنعملها"، وتفاعل عدد كبير من الجمهور مع توضيح تامر عاشور وعادوا وأشادوا به وبطريقة تعامله مع الطفلة.