زوجة أمير طعيمة تعلن خضوعها لعملية جراحية لاستئصال ورم: "تدهور رهيب ومتماسكة"

زوجة أمير طعيمة، المطربة المعتزلة جيني، أقلقت متابعيها وأصدقائها اليوم على حالتها الصحية، وكشفت اليوم عن إصابتها بورم وخضوعها لعملية جراحية لاستئصاله، وكشفت تفاصيل حالتها الصحية.

زوجة أمير طعيمة تكشف تفاصيل حالتها بعد إصابتها بورم

ونشرت المطربة المعتزلة جيني، زوجة الشاعر الغنائي أمير طعيمة، تدوينة لها على حسابها بفيسبوك، كشفت من خلالها إصابتها بورم، خضوعها لعملية جراحية لإزالته، وكشفت تفاصيل حالتها الصحية وقالت:" من حوالي سنة ويمكن أكتر وأنا تعبانة وبأجل مشوار الطببب وبقول بطلي دلع وباخد مسكنات والدنيا ماشية، من تقريبا كدة ٤ شهور وتدهور رهيب ومتماسكة وبقول أفضي بس كده وأشوف مفيش صحة تمامآ الجسم كله مأزي لدرجة إني مش فاهمة أنا إيه إللي بيجري لي".

المطربة المعتزلة جيني تخضع لعملية جراحية

وتابعت زوجة أمير طعيمة في تدوينتها: "لدرجة إني كلمت الطبيب الخاص وأخدت ميعاد وكنت في العربية قبل ما العيادة تفتح.. كشفت والصدمة، إيه ده يا مدام! هو حضرتك إزاي عايشة كده! وتفاصيل كتير في الكشف وقالي محتاج جراحة بس محتاج الأشعة والتحاليل دي وحالأ، أدركت إني فعلا في حتة مش تمام، ومن فحوصات الاشعة الكلام اختلف، 4 أطباء من جامعة عين شمس والقاهرة وطب الأزهر عشان دقة الجراحة".

زوجة أمير طعيمة تكشف تطورات حالتها الصحية

وكشفت جيني طعيمة تفاصيل حالتها الصحية بعد خضوعها للجراحة وقالت: "وقت الجراحة أكتشفنا إنه ورم وحجمة كبير! بس حقيقي وبأمانة محدش سابني لحظة ولا أستعجل ولا حاول يحطني تحت ريسك مع إنه طبيعي يحدث، وبكل أمانة ما كانش بيتقال غير دي بنتنا وعايزين نحافظ عليها، الحمد لله النتيجة النهائية إني بخير وسعيدة، بشكر كل أيد من الأيدي الطيبة إللي ساعدتني وصبرت عليا، بعرف إن ربنا بيحبني من المواقف دي مش من أي حاجة تانية وأكتر كلمتين  بيطمنوني من الناس البسيطة إللي بتقولي أوعي تخافي ربنا هيجبر بخاطرك عشان أنتي مفيش حد بتزعليه أبدآ.. أخيرا هشكر مين يعني غيره بعد ربنا أمير طعيمة".

ويذكر أن جيني، هي مطربة معتزلة، وقدمت عدة أغاني وألبوم في عام 2006، وتزوجت بعدها من الشاعر أمير طعيمة في عام 2008، واعتزلت الغناء بعد زواجها.

الصور من حساب جيني طعيمة على فيسبوك وأمير طعيمة على انستقرام.