نجمة اراب ايدول تكشف عن مرضها الصعب وتؤكد:هفضل تخينة

وجهت المطربة الشابة ايناس عز الدين التي عرفها الجمهور خلال مشاركتها في الموسم الثاني من برنامج "آراب ايدول" رسالة قوية لجمهورها عبر حسابها بموقع التواصل الاجتماعي تتعلق بوزنها الزائد..ماذا جاء فيها؟

المطربة الشابة مريضة

ايناس عز الدين عبرت عن استياءها من السخرية من بدانتها، ولفتت انها ترفض ان يحبها الجمهور بشروطه هو، ونوهت كذلك في الرسالة الطويلة الا انها تعاني من مرض صعب وليس من السهل علاجه يجعل هناك استحالة في خضوعها لنظام غذائي يفقدها الوزن، وارفقت رسالتها بصورة لها في المستشفى حيث تعاني من مشكلات في معدتها تجعلها تجحم عن الطعام.

عملية دقيقة

وقالت المطربة التي طرحت مؤخرا اغنيتها بخونك في تدوينتها الطويلة:"يا جماعة ولله انا ما خسيتش ومش هينفع اخس طبيعي والتخن مش كله اكل ولا كله قلة حركة ورياضة وكفاياكم بقى تحكموا على الناس بمزاجكم فيه تخن مرضي ربنا يكفيكم شره مالوش علاقة لا بأكل ولا بحركة انا مش باكل تقريبا لأني عندي مشاكل في معدتي معيشاني تقريبا في المستشفيات زي ما انتوا شايفين في الصورة دي بقت حياتي اللي ماحدش يعرفها غيري انا واهلي وجوزي وبتخليني مش بعرف اكل او اشرب زي الناس الطبيعيين وربنا يعلم انا عايشة ازاي وانا بتحرك كتير جدا وبعمل رياضة وبطلع وانزل سلالم وبمشي وبجري كتير يعني الموضوع مختلف، وانا مبسوطة كده وبحب نفسي كده و صعب عليا اعمل عملية علشان اخس وانا بخاف اصلا من العمليات والعملية مش سهلة ومش هعملها علشان ارضي الناس يوم ما هعملها هيبقى علشان ارضي نفسي خصوصا انكم لما عرفتوني وشجعتوني وحبيتوني ونجحتوني كنت كده تخينة وحبيتوني زي ما انا، وانا رافضة انكم تحبوني بس بشروطكم دي انا واللي هيحبني هيحبني زي ما انا، وبشكر كل الناس اللي بتحبني زي ما انا وهتفضل تحبني سواء فضلت تخينة او لو عملت العملية و خسيت في يوم من الايام".