منة فضالى تهدد جمهورها بعد الاساءة لوقوفها الى جانب احمد عز!

تعيش الفنانة منة فضالى حالة نفسية سيئة، وذلك بسبب الهجوم الدائم عليها من قبل بعد رواد صفحتها على موقع التواصل الإجتماعى"فيس بوك"، بسبب وبدون سبب، وهو ما جعلها تقوم بتوجيه رسالة قاسية لهم عن سبب كل هذا الهجوم..

منة فضالي غاضبة

وكتبت منة فضالي على صفحتها الشخصية بموقع التواصل الإجتماعى"فيس بوك": انا منة اللي بكتب دلوقتي وكنت عاوزه اسأل ليه بتهاجموني ليه بتغلطوا فيا و بتشتموا ليه، عملتلكم ايه علشان الاهانات دي كلها انا مش بجبركم علي أنكم تحبوني او تتقبلوني لان دي حرية شخصية و ممكن ببساطه متدخلوش صفحتي مدام مش حبني بس مفتكرش ان في اي استفاده من الغلط كمان عاوزه أقول حاجه لو حد منكم واخد موقف مني بسبب صور ليا زمان ف أكيد عندكم حق بس انا مش كده و اتكلمت في الموضوع ده كتير اوي و أكيد لو انا كده مش حيكون للنشر لان بكده بخسر كل حاجه و صدقوني انا اتظلمت والله اللي عايز يصدق يصدق و مش بقول كده علشان حاجه بلعكس انا خسرت حاجات كتير اوي بس صدقوني مش عيب الانسان يغلط و يتعلم من غلطه بدليل أني عمري ما عملت فيلم او مسلسل لابسة في لبس وحش او عملت مشاهد اغراء"

منة فضالى تتحدث عن أحمد عز

 وتابعت :"حاجه اخيره اللي واخد موقف مني و بيشتموني علشان وقوفي جنب احمد عز فا بقولكم ليه علشان ايه واخدين موقف انا حره زي ما اي حد حر و انا دافعت عنه لاني اعرفه كويس مش اكتر وبعتبره صديق وأخ زي ما انتم بتحبوا زينه و من حقكم تدافعوا عنها لان في حاجه اسمها حريه الرأي انا عامله الصفحه دي علشانكم انتم علشان تعرفو اخباري و تتفاعلوا معايا و تشجعوني مش علشان تهاجموني انا ممكن أقفل الصفحه لو انا مضايقاكم  و اوفر عليكم الغلط فيا اهلًا بيكم و اسفه أني طولت عليكم

وأختتمت قائلة:اشكر كل الناس اللي واقفه جنبي و بتشجعني و أشكر برضه اللي بيغلطوا و متمناش ان حد في يوم حد يغلط في حد من أهله أشكركم من كل قلبي.

حنكو فى المصيدة

وتقوم حالياً منه بتصوير مشاهد فيلمها الجديد"حنكو فى المصيدة" مع الفنان محمد سعد ومن المفترض أن تخوض به فى موسم عيد الأضحى.