مي كساب تتلقى ضربة جديدة بعد حبس زوجها

تعيش الفنانة مي كساب حالياً حالة من الحزن الشديد وذلك بعد القبض على زوجها المطرب محمد صلاح الشهير باوكا وصديقه المطرب أحمد اورتيجا فى مطار القاهرة وإقتيادهما إلى النيابة العسكرية لثبوت تهربهما من أداء  الخدمة العسكرية .

مي كساب تقود حملة للدفاع عن زوجها               

وفور القبض على أوكا تولت الفنانة مي كساب حملة للدفاع عنه تحمل اسم "أوكا وأورتيجا مظلومين" مؤكدة أن محمد صلاح كان ضحية بسبب تعليمه المتواضع وطيبته المبالغ فيها حيث وثق بأشخاص هم السبب فيما وصل إليه الآن.

وقالت مي كساب : "كل اللي يعرفني من قريب يعرف كويس أني عمري ما كرهت حد ولا عمري اذيت حد ولا عمري عملت تصرف مخل بالشرف ولا اتنازلت عن شرفي ولا كرامتي في يوم من الأيام واستحملت ظلم كتير واضطهاد ومحسوبيات وكنت طول الوقت باصبر نفسي بكلام ابويا الجميل اللي رباني علي القناعه كان دايما يقولي انتي عامله زي عسكري في الجيش كل شويه بيترقي بجهده وتعبه ويتنقل من سلاح لسلاح انا مريت بظروف صعبه كتير في حياتي".

أسوأ أربع سنوات فى حياة مي كساب 

وتابعت قائلة : " بس للأسف بقالي ٤ سنين مش باشوف يومين حلوين علي بعض انا باعيش اقسي ايام حياتي من يوم ١/١٢/٢٠١٢ يوم ما اكتشفت ان امي عندها السرطان وانا مش مي انا واحده تايهه مش لاقيه نفسها موت امي كسرني ومن بعدها احداث كتير قوي وجعتني القريبين مني عارفين انا استحملت حاجات صعبه كتير اد ايه السنين اللي فاتت بس الصراحه ده اصعب موقف اتحطيت فيه من يوم ما اتولدت".

وتابعت: "مش عشان ده جوزي وحب عمري وإحساسي بعدم وجوده جمبي كان روحي متاخده من جسمي لا عشان متاكده انه مظلوم متاكده انه ضحيه طيبته وسذاجته وللاسف ضحيه تعليمه المتواضع ضحيه ثقته الزياده عن اللزوم في اي شخص يقرب منه ويضحك عليه ويقوله انا هاعملك ويوعده وعود كدابه وفي الاخر يستغله ويورطه طبعا لما باتكلم عن محمد كأني باتكلم عن احمد كمان اوكا واورتيجا روح واحده في جسدين ثقتي في رب العالمين كبيره جدا انه هينصرهم ويفك كربهم ثقتي في عداله القضاء العسكري كبيره انه مش هيظلمهم ثقتي في قلوبكم الرحيمه كبيره إنكم هتقفوا جمبهم ادعولهم وادعموهم اقسم بالله العلي العظيم" .

ضربة جديدة لمى كساب وزوجها

ولم يكن حبس المطرب محمد صلاح الشهير باوكا الأزمة الوحيدة التى يواجهها الأن لكن هناك أزمة جديدة أعلنت عنها نقابة المهن الموسيقية وهى إلغاء التصريح المؤقت له الذى كان يعمل به على أن يتم إختباره من جديد فور خروجه من الحبس.

أول فيديو لفريدة ابنة مي كساب..شاهدوا ماذا تفعل

أول صورة لوجه ابنة مي كساب..هل تشبه والدها أوكا؟