صور إنجى وجدان تفاجىء جمهورها بخسارة كبيرة فى وزنها وهكذا بدت

على مدار أشهر طويلة كانت الفنانة إنجى وجدان تعانى من زيادة كبيرة فى وزنها نتيجة حملها وإنجابها طفلها الأول إسماعيل، إلى أن قررت الخضوع لنظام غذائى جديد لإنقاص وزنها، وظهرت مؤخرا بإطلالة جديدة فاجئت بها جمهورها.

رسالة إنجى وجدان لجمهورها 

وحرصت إنجى وجدان على توجيه رسالة لجمهورها بعد فقدان وزنها، حيث كانت دوما تتعرض لبعض التعليقات الساخرة بسبب وزنها وهو ما جعلها توجه رسالة قوية لهم قائلة: ده انا من سنة بالضبط بالفستان المخطط و ده انا دلوقتي بالفستان الطوبي. خسيت كتير بس مش علشان حد علشان نفسي بس. و ده مش معناه اني مكنتش حابة نفسي العكس انا كنت حابة نفسي لان وزني ده كان بسبي ان خلفت احلى اسماعيل في الدنيا.

وأضافت إنجى وجدان: عايزة اقول لكل بنت تخنت في الحمل انت جميلة و عملتي احلى حاجة ممكن اي واحدة تعملها انها تحمل و تكون جواها طفل جميل. ملكيش دعوة برأى الناس خليكي حاسة بكل حاجة حلوة. و انت لو عايزة تخسي علشان انت بس، هتقدري. الحياة احلى و اسهل من اننا نعقد نفسنا علشان شوية ناس تافهة و فاضية و سطحية. لو هتخسي اعملي كده لنفسك و صحتك مش علشان جوزك و لا طنط الي شافتك و اتخدت انك تخنتي قوي كده ازاي. اتبسطي و حبي الحياة هتعيشي مبسوطة سواء تخنتي و لا خسيتي

إنجي وجدان تنتظر عرض"وكلينها والعة"

ومن ناحية أخرى تنتظر الفنانة إنجي وجدان عرض أحدث مسلسلاتها "وكلنيها والعة" بعد أن كان اسمه الأول "السبع صنايع"، والتى تشارك فى بطولته بجانب الفنان شريف رمزي ومي سليم ومحمد متولى وخالد عليش ومن إخراج تغريد العصفوري، حيث من المفترض أن يتم عرضه على إحدى قنوات اليوتيوب.