بعد حلقتها مع منى الشاذلي..آيتن عامر ترد على المنتقدين
ايتن عامر تتعرض للانتقادات بعد حلقتها مع منى الشاذلي
ايتن عامر تخوض تحدي خسارة الوزن
ايتن عامر في برنامج "معكم " مع منى الشاذلي
ايتن عامر وثقت تجربة تخسيس وزنها
ايتن عامر ازداد وزنها بعد حملها وولادتها لطفلها الثاني
ايتن عامر
هجوم كبير تلقته الفنانة آيتن عامر بعد حلولها ضيفة في برنامج معكم مع منى الشاذلي وتطرق الحلقة الى وزنها الزائد والطرق التي تتبعها لخسارة وزنها عقب ولادتها الثانية، ما دفع الممثلة المصرية الى الدفاع عن مضمون حلقتها والرد على كل من سخر من زيادة وزنها.
آيتن عامر ترد على منتقدي حلقتها
آيتن عامر كتبت تدوينة طويلة عبر حسابها على انستغرام ذكرت فيها بأن هدف الحلقة التي تطرقت الى وزنها الزائد كان هدفه لتحفيز الكثيرين ومساعدتهم على استرجاع الثقة بأنفسهم والاضاءة على الطرق الصحيّة للتخسيس.
وقالت في منشورها :""أيوه فى مشاكل أهم وأعمق من المشكلة بتاعتى اللى تناولتها النهاردة الأستاذة منى الشاذلى، ولكن خلينا نشوفها بشكل تانى، ليه منقولش إن تجربتى دى ممكن تبقى حافز لناس كتير نفسها تخس و ظروفها المعنوية أو المادية مش مساعداها خصوصا أن الدكتور وافق انه ينزل الأنظمة الغذائية كاملة دون أى مقابل".
وأضافت، "ليه منقولش إن دى تجربة فعلية تخلى الناس اللى بيتضحك عليها باسم عمليات التكميم وتحويل المسار وبيبقى عندهم استعداد يبيعوا دهبهم ويعملوا جمعيات عشان يعملوا العملية مع إن من الممكن منضرش صحتنا و نخش أوض عمليات ونعمل دايت وتخس ومنتكلفش كل الفلوس دى".
آيتن عامر تبرر مضمون حلقتها
وتساءلت "ليه الحلقة دى متكونش بتهون على كل واحدة لسه مخلفة ووزنها زايد وعندها اكتئاب وبتوريها إنها مش لوحدها اللى بيحصلها كدة وانى كممثلة لا أتميز عنها بشيء سوى الإرادة وأشجعها تبدأ معايا".
وطلبت آيتن من الجمهور عدم الهجوم عليها بدون معرفة دوافع الحلقة، وقالت لهم "بلاش هجوم بلا داعى، أنا مش هقدر أحل مشاكل الكون ولا مشكلة الغلاء، لكن ممكن أكون مصدر إلهام لبنات كتير وأساعدهم على الوصول لحلم صغير، لأن هو ده اللى هقدر عليه".
وكانت آيتن عامر كشفت بأنها ستوثق تجربة تخسيس وزنها في برنامج منى الشاذلي بعدما صورت معها لقاء قبل بداية نظامها الغذائي الجديد من أجل وضعها في تحدي أمام الجمهور وامام نفسها، ونشرت صورا من الحلقة التي عرضت أمس وعلقت قائلة:" من تحضيرات الحلقة يوم الاربعا اللى قرروا يدبسونى بيها و يصوروا معايا من ١٢ يوم قبل ما يبان عليا الدايت عشان يوثقوا معايا رحلتى من التمانين للستين".
