صورة سالي عبد السلام تدافع عن ريهام سعيد وحورية فرغلي برسالة ضد التنمر
سالى عبد السلام
حورية فرغلى
الإعلامية سالى عبد السلام
سالى عبد السلام
الإعلامية ريهام سعيد
رسالة سالى عبد السلام
رسالة محبة ورضا قدمتها الإعلامية سالي عبد السلام لكل من يهاجمها أو يرى شيئا مختلفا فيها بسبب المرض أو لأي أسباب أخرى، ودافعت عبد السلام كذلك عن الإعلامية ريهام سعيد والفنانة حورية فرغلى وما يتعرضان له من تنمر .
سالى عبد السلام والسر في الرضا
نشرت الإعلامية سالى عبد السلام عبر حسابها على "انستجرام" رسالة لكل الأشخاص الذين يهاجمونها هي وزملائها فكتبت:"محدش بياخد كل حاجة هما ٢٤ قيراط السر فى الرضا الواحد لما شكله بيتغير ،يمرض ،بيتعب او يتحول من حال لحال..بيخاف! بينعزل ...بيخاف يقابل ناس..والله!! بيخاف من حكم وكلام الناس البشعة ما بالك بقى لما يبقى شخصية عامة! واكنه حق مكتسب ويقولك ضريبة الشهرة وميعرفش انه حقه يحكم على شغلك والمحتوى فى برنامجك وبس كضريبة للشهرة للأسف وده مستعدين ليه وعارفينه ..لكن لو مضايقكش على شكلك باستظراف هينقصه حاجة او هيفوته الحفلة!"
وأضافت سالى عبد السلام : "اللى بيحصل مع كذا شخصية عامة من تنمر لو اتغيرت بعد حمل او مرض او حادثة لقدر الله قلة ذوق وقلة ادب! انا من يوم ما دخلتها قلت اللى هيحبنى عشان شكلى مش عايزاه،يغور الشكل مش دايم ليا ولا لحد الحمدلله! متزودهاش على المبتلى وتخليه يكره نفسه والله بنبقى خايفين ومنرضاش نبين،انا شخصياً لا بحب تعليقات عن شكلى ولا جسمى من وانا صغيرة ومبحبش رأى حد فى ده عشان متغير! كنت بتغير فى كام يوم واخاف اخرج او اشوف حد ..ده جبر الخواطر ثواب عظيم".
سالى عبد السلام والدفاع عن ريهام سعيد وحورية فرغلى
وكتبت سالى عبد السلام طلب إلى جمهورها فقالت:"لو اوحشيت و تخنت و تعبت و اتغيرت متكرهونيش متغلطوش فيا لمجرد ان شكلى مبقاش بمقاييس ومعايير الجمال بالنسبة ليك او ليها.. لما يقولوا سالى الجدعة..احسن مليون مرة من سالى البنت الحلوة ،شكراً"، وعلقت سالى عن ما تتعرض له كل من ريهام سعيد وحورية فرغلى وكتبت:"حسبي الله ونعم الوكيل".
يذكر أن سالى عبد السلام قد تعرضت من قبل للتنمر من أحد الأشخاص عبر حسابها، وتعاني سالي عبد السلام من عودة مرض مناعي نادر تسبب في سقوط شعرها بعد أن كانت قد شفيت منه، وجعلها تعيش فترة علاج طويلة.
