أوس أوس يدعم زوجته برد قوي على المتنمرين:"دمرتوها نفسياً بعد وفاة شقيقها وابنها"
أوس أوس وزوجته
أوس أوس وزوجته في آخر ظهور
أوس أوس وزوجته في حفل زفاف شقيقة مصطفى خاطر
زوجة أوس أوس
أوس أوس يدعم زوجته ضد المتنمرين
خرج الفنان أوس أوس عن صمته بعد تعرضه مع زوجته للانتقادات والسخرية بعد ظهورهما الأخير في حفل زفاف شقيقة مصطفى خاطر، والذي يعتبر الظهور الأول لزوجة أوس أوس بعد وفاة ابنهما الرضيع.
أوس أوس يهاجم منتقدي ظهور زوجته بعد وفاة ابنهما الرضيع
وتعرضت زوجة أوس أوس لتعليقات سلبية من البعض بسبب ظهورها في حفل زفاف مصطفى خاطر بملابس الحداد، والذي يعتبر أول ظهور بعد وفاة ابنها الرضيع منذ أشهر، وكشف أوس أوس عن سبب آخر لحالة حداد زوجته بوفاة شقيقها أيضاً، وقال إنها تمر بحالة نفسية سيئة وأنه أقنعها بحضور حفل الزفاف لإخراجها من هذه الحالة.
رسالة قوية ومؤثرة من أوس أوس لدعم زوجته ضد المتنمرين
وقال أوس أوس في رسالته لدعم زوجته ضد المتنمرين والمنتقدين:" أنا مش محتاج أبرر واحكى أي حاجة عن حياتي، والست اللى قلبي اخترها كنت ساعتها فى أول موسم لتياترو مصر، كنا نتقاضى مرتبات مش ممكن تفتح بيت وأول ما اتجوزت كنت اقعد فى بيت إيجار، كمان انا بس هكتفى بالنقطتين دول علشان اصحاب العقول والنفوس المريضة يعرفوا ويبطلوا نغمة الفلوس بتعمل اكتر من كده".
وتابع أوس أوس:"ومش معنى انى بنزل اشتغل او بتصور وانا مبسوط ده معناه انى هموت من الفرحة بس دى مهنتى وواجبى ناحية جمهوري انى اخرجه من اى حزن هو فيه كل ده بعمله على حساب حزني وجرحي ووجعي انا.. وفى الآخر بتشتم برضه! انا بقول الكلام ده ولن اسمح باى تدخل فى حياتى الشخصية مره أخرى سواء بالخير أو بالشر او دخول اسم مراتي فى اى كلمة من كلام المرضى النفسيين".
أوس أوس يكشف تأثر حالة زوجته النفسية بسبب الانتقادات
وكشف أوس أوس عن معاناة زوجته النفسية بسبب التعليقات الساخرة والمتنمرين وقال في رسالته:"مراتى اللى أخوها متوفي وابنها متوفي وماصدقت أول مرة اخرجها نروح مناسبة ودمرتوها نفسياً تانى بكلامكم المريض..حسبى الله ونعم الوكيل فيكم.. حقك عليا ياست الكل.. سكت كتير وكنت بعدى لكن مفيش فايدة.. كل واحد يركز فى حياته.. الطموح حلم مشروع عند كل الناس اسعى واتعب وكافح وربنا اللى بيكافئ مش البشر بدل ماتفضل تبُص فى حياه الناس".
