نجوى كرم تحسم الجدل حول اتهامها بالاساءة للمرأة
نجوى كرم تثير الجدل بموقفها حول المرأة
نجوى كرم تميز بين دور المرأة الاجتماعي وبين دورها كأم
تغريدة نجوى كرم التي اوضحت فيها موقفها
اثارت مقابلة اجرتها الفنانة اللبنانية نجوى كرم في برنامج "على شط بحر الهوى" على قناة ("أم بي سي") جدلا بين جمهورها بعدما تطرّقت إلى موضوع المرأة ودورها في المجتمع، وقالت انها ضد المبالغة في المطالبة بحقوق المرأة التي عليها تأدية دورها بأكمله كأم وزوجة من دون الانتقاص من أنوثتها.
وقالت نجوى في مقابلتها:" ما بحبّ حقوق المرأة تزيد عن حدّها، عم نصير بخطر. وما بحبّ رجولية الرّجل تقلّ عن حدّها، منصير بخطر. انا بخاف يصير الرّجال بالآخر يقوم يسهر عالاولاد باللّيل والمرأة تيجي تقلّو أنا تعبانة اليوم قوم إنت عمول حليب للولد، والصّبح يقلّها شو طابختيلنا بتقلّو انا مش قادرة اليوم، عندي شغل. حبّذا لو كانت السّت بتعمل كل يللي لازم تعملو ببيتها واذا كانت قادرة تشتغل لتسند جوزها اذا كان هوّي بحاجة، مش لتقول بدي عبّي وقتي".
واضافت :" انا ضدّ انو المرأة تقول بدّي عبّي وقتي او حتى ما إضجر. شغلك كَإمرأة مش ممكن تضجري فيه. بدّك تنضّفي بدّك تطبخي، مش اتديري أعمال الخدم والسّواق. اذا كانت امكانيات زوجك وانت قادرة تعيشي عيشة معيّنة انا بفضّل تكوني انتِ بقمّة انوثتك وجمالك قدّام مشروع هالحياة لمّا انتِ تجوّزتي لتقدري تربّي جيل صالح ما تتركيه للخدم وانا بعتذر من كلّ السّتات يللي بيعترضوا عَ رأيي".
جمهور نجوى انقسم بين مؤيد ومعارض لرأيها، فمنهم من ايد نجمتهم معتبرا انها على حق في كل كلمة قالتها لأن "نساء هذا الزمن بتن يتخلين عن دورهن الاساسي كأم زوجة" بحسب بعض التعليقات، اما آخرون فعارضوا نجوى مشيرين الى ان الرجل يجب ان يتقاسم مع زوجته الاعمال المنزلية".
نجوى توضح موقفها
هذا الجدل بين جمهور صاحبة اغنية "التحدي" دفع بها الى كتابة تغريدة عبر "تويتر" لايضاح وجهة نظرها فقالت: "بدنا نفرّق بين حق المرأة الإجتماعي، وبين دورها بالحياة، هي عامود فقري لتأسيس عيلة عظيمة، وعينا ع إنّو البيت هو إمّ، المدرسة هي إمّ، ووراء كلّ رجل عظيم امرأة، مش يضيع التّوازن ويصير شغلها لتعباية فراغ، منّي ضد تحقيق وجودها ونجاحها طالما عارفة واجباتها وأهمّية دورها بتأسيس عيلة، بدي الست يلي بشوفها بعيد الام عم تتكرم، لانها بتهز سرير ولدها بإيد وبتهز عرش الكون بإيد تانية...وعي، ثقافة، حنية، أمّ، أخت، زوجة، حبيبة ومدرسة الأجيال..ما ننسى هوْدي الصفات أو صرنا عم نحكي عن حدا تاني..هيدا رأيي".
وانتم ما رأيكم هل توافقوان رأي نجوى كرم ام تعارضونه؟.
