أول تعليق من شيرين عبد الوهاب بعد عودتها للسوشيال ميديا.. كورونا يخرجها من عزلتها

عادت الفنانة شيرين عبد الوهاب إلى مواقع التواصل الاجتماعي بعد شهور من الغياب والانقطاع، ووجهت رسالة إلى جمهورها بسبب انتشار فيروس كورونا.

شيرين عبد الوهاب توجه رسالة للجمهور بسبب كورونا

ونشرت شيرين عبد الوهاب تغريدة لها على تويتر بعد انقطاع طويل، وطمأنت بها الجمهور على حالتها الصحية والنفسية وقالت:" أنا هنا يا حبايبي وإتبسطت جداً لما في ظل الظروف اللي العالم كله فيها وكل اللي ليه حد بيحبه قلقان وخايف عليه، لقيتكم فاكرينني وبتسألوا عني.. أنا عايزة أطمنكم إني بخير الحمدلله وحالي زي حالكم كلكم، قاعدة في بيتي مع عيلتي وبدعي إن الغمة دي تعدي على خير".

وتابعت شيرين عبد الوهاب في تغريداتها:" اهتمامكم بالسؤال عليا ده فرحني جداً وإداني طاقة إيجابية كنت محتاجاها في ظروف زي دي، وحمسني جداً وخلاني عايزة افرحكم زي ما فرحتوني و قريب إن شاء الله أشارك معاكم حاجة قريبة جداً لقلبي، ولحد ما ده يحصل عايزاكم تكونوا متطمنين عليا، وتاخدوا بالكم من نفسكم ونفضل كلنا في البيت".

أنا هنا يا حبايبي وإتبسطت جداً لما في ظل الظروف اللي العالم كله فيها وكل اللي ليه حد بيحبه قلقان وخايف عليه، لقيتكم فاكرينني وبتسألوا عني.أنا عايزة أطمنكم إني بخير الحمدلله وحالي زي حالكم كلكم، قاعدة في بيتي مع عيلتي وبدعي إن الغمة دي تعدي على خير.

— Sherine Abdel-Wahab (@sherine) March 28, 2020

شيرين عبد الوهاب تخرج من عزلتها أخيراً

واحتفل الجمهور بعودة شيرين عبد الوهاب إلى السوشيال ميديا بعد غياب شهور منذ أكتوبر الماضي، وذلك بسبب تعرضها للانتقادات، وينتظر الجمهور عودتها إلى حساباتها بانستقرام وفيسبوك بعد التراجع عن اعتزال السوشيال ميديا وذلك بسبب تذكر الجمهور لها في أزمة فيروس كورونا.

وأثارت شيرين عبد الوهاب التساؤلات بين جمهورها بسبب إعلانها عن مفاجأة جديدة والتي انقسم الجمهور بين اعتبارها مفاجأة فنية جديدة منها أو خبر في حياتها الشخصية، وطالبها الجمهور بإقامة حفل أونلاين بعد عودتها وذلك لتعويض الجمهور عن فترة غيابها وكذلك للتضامن معهم في حملة البقاء في المنازل للوقاية من فيروس كورونا.