لحظات عائلية مؤثرة عاشتها ملك زاهر في كواليس "سيد الناس".. والدها يساندها ووالدتها تدربها على التمثيل
الممثلة الشابة ملك أحمد زاهر، كانت من أبرز نجوم ومفاجآت مسلسل "سيد الناس" للفنان عمرو سعد وعدد من النجوم، وكشفت بعد انتهاء تصوير المسلسل عن أبرز اللحظات المميزة والمؤثرة التي عاشتها خلال رحلة تصوير المسلسل.
ملك زاهر تكشف دور والدها في كواليس مسلسل "سيد الناس"
وشاركت ملك أحمد زاهر الجمهور في الفترة الأخيرة العديد من الكواليس المميزة في رحلة تصوير مسلسل "سيد الناس"، وهو العمل الذي جمع عدد كبير من النجوم وعلى رأسهم عمرو سعد وإلهام شاهين وأحمد رزق ورنا رئيس وريم مصطفى وأحمد زاهر وغيرهم، وكشفت ملك زاهر عن كواليس أصعب مشاهدها في المسلسل، والتي كانت في بداية رحلة التصوير، وشعرت بالتوتر والخوف الشديد في البداية، ولكن والدها قدم لها مساعدة كبيرة في الكواليس.
ونشرت ملك زاهر صوراً لها من الكواليس، والتي ظهر بها أحمد زاهر وهو يحاول طمأنتها ومساندتها، وقالت في تعليقها على الصور: "ده كان من اوائل ايام التصوير وحقيقي كنت متوترة جدا جدا لابعد الحدود وكنت تعبانة جدا والشخصية صعبة والحالة الي المفروض تكون فيها صعبة بشكل غير طبيعي، اليوم ده بابا مكانش عنده شغل بس جالي وفضل معايا وفضل يشحني ويقولي الحاجات اللي تساعدني اعرف اخش في الحالة وابقي واثقة في نفسي.. شكرا انك جمبي وفي ظهري دايما يا بابا انا بحبك اوي ربنا يخليك ليا".
والدة ملك زاهر تدربها على التمثيل في "سيد الناس"
ووجه أحمد زاهر العديد من رسائل الدعم إلى ابنته طوال رحلة تصوير وعرض مسلسل "سيد الناس"، وأشاد بدورها في المسلسل في عدة تعليقات له وقال: "وانا بحبك اوي يا حتة من قلبي يا موهوبة يا شاطرة يا مكسرة الدنيا، وده مش كلامي ده كلام الناس وطبعا أنا جنبك، وهافضل جنبك وفي ضهرك العمر كله، بحبك يا ملوكتي أنا"، وقال في تعليق آخر له: "اشطر واحدة على الإطلاق بحبك يا ملوكتي".
كما كشفت ملك زاهر في رسائلها الأخيرة عن دور والدتها هدى زاهر في المسلسل أيضاً، حيث عملت كمدربة تمثيل في كواليس المسلسل، وساعدت ابنتها في أداء الدور أيضاً، ووجهت ملك زاهر رسالة مؤثرة لوالدتها في تعليقها على صورها معها في الكواليس وقالت: "كل عيد ام وانتي أحلى واشطر واقوي أم وست شفتها في حياتي.. عايزة اقولك اني بحبك اوي واننا من غيرك ولا حاجة واننا فخورين بيكي من قلبنا يا اشطر مدربة تمثيل في الدنيا.. واحلى واحن أم فى العالم، مش عايزة ابدا اشوفك زعلانة وعايزاكي فرحانة ومبسوطة وفخورة بنفسك دايما ربنا يخليكي لينا العمر كله".
وشهدت كواليس مسلسل "سيد الناس" العديد من اللحظات الأخرى لملك زاهر، ومنها مشهد تعرضها للضرب على يد والدها أحمد زاهر في أحد المشاهد، ونشر أحمد زاهر رسالة اعتذار إليها بعد عرض المشهد وقال: "أنا آسف يا حبيبتي حقك عليا يا ملوكتي بس المشهد عاوز كده سامحيني والنبي أنا كأحمد زاهر آسف جدا"، وردت ملك زاهر على رسالته مازحة: "مش قابلة الأسف لا".
ملك زاهر توجه رسالة مؤثرة إلى المخرج محمد سامي
ووجهت ملك زاهر رسالة خاصة إلى المخرج محمد سامي بعد انتهاء التصوير مؤخراً وقالت: "بوست في حب وتقدير الاستاذ محمد سامي، شكرا استاذ محمد على الفرصة اللي ادتهالي والدور اللي انا سعيدة وفرحانة من قلبي اني بعمله، وشكرا عشان من غيرك ماكنتش حبيت الشخصية كده وعشت جواها ومعاها وفي وقت قليل جدا بقيت ميادة، شكرا يا استاذ عشان مش بتسيب ولا حد فينا من الكبير للصغير وشكرا عشان انت بتخاف علي ممثلينك وبتغير عليهم اكتر منهم هما شخصيا وعمرك ما بتعدي ولا حتي لو غلطة صغيرة عشان انت اكتر حاجة بتهمك هي الممثل بكل تفاصيله".
وتابعت ملك زاهر في رسالتها: "عشان كده محدش غيرك بيعرف يجمع كمية النجوم الي كل واحد فيهم يشيل عمل لوحده في عمل واحد لأن كل ممثل عنده ثقة غير محدودة فيك وإنك هاتطلعه بأحسن شكل.. انا ماتوقعتش عمري رد الفعل ده علي الدور دلوقتي خصوصا ان الشخصية لسه هاتشد اكتر قدام بس حقيقي اللي يطلع في مشهد في مسلسل لمحمد سامي بيتشاف وبيتميز بنفس القدر اللي ممكن ياخده بعد ٣٠ حلقة من اي عمل تاني، مش بس مشهد واحد حقيقي انا فخورة اني جزء من عمل مهم زي سيد الناس وفخورة اني كنت اختيارك ويارب اكون كنت قد الفرصة شكرا عشان اديتني الفرصة اكون ضمن مدرسة محمد سامي وشكرا عشان انت ابويا التاني يا سمسم بحبك".
الصور من حساب ملك زاهر على انستقرام.
