![كريم عبد العزيز في مسلسل "الحشاشين"](https://static.hiamag.com/styles/1000x1000/public/2024-03/425866920_1091622302051307_4427797766142992379_n.jpg?h=d2ba15e9)
بعد انقسام الجمهور حوله.. كيف رد صناع مسلسل "الحشاشين" على الجدل حول مستوى وأحداث العمل؟
مسلسل "الحشاشين" للفنان كريم عبد العزيز، تحول إلى مادة نقاشية بين الجمهور على مواقع التواصل بعد عرض الحلقات الأولى من المسلسل، وذلك بسبب الانقسام الكبير بين الجمهور حول مستوى المسلسل، وكذلك بسبب الانتقادات التي وجهت إلى صناع العمل بسبب الأحداث التاريخية به.
مخرج مسلسل "الحشاشين" يرد على تساؤلات الجمهور حول العمل
ونشر المخرج بيتر ميمي اليوم رسالة مطولة، دافع بها عن مسلسل "الحشاشين"، وأجاب على جميع تساؤلات الجمهور حول أحداث المسلسل التاريخية، ورد أيضاً على انتقادات البعض على دقة الأحداث التاريخية المذكورة في العمل وقال: "طيب كل سنة و انتم طيبين، مع انى مكنتش حابب اتكلم علشان دول كلهم ٤ حلقات! مبدئيا المسلسل من وحي التاريخ، و ده مكتوب نصا فى التترات يعنى مش وثيقة تاريخية لكنه دراما تاريخية .. هو المخرج العالمي تارنتينو لما قتل هتلر فى السينما كان حقيقة؟ أو نابليون فى فيلم ريدلى سكوت الأخير، هل ده نابليون اللى فى كتب التاريخ؟ ديه دراما تاريخية".
![مسلسل "الحشاشين"](https://static.hiamag.com/inline-images/428147351_10160492518232054_1784894907771253309_n.jpg)
وتابع المخرج بيتر ميمي في رسالته: "حاولنا نعمل خيال لفترة من الفترات لكن فى شكل درامي.. لكن رجعنا فى الديكور والملابس لمراجع كثيرة ونادرة، علشان نعمل عالم مشوفتهاش قبل كده ومايكنش شبه افلام او مسلسلات عالمية.. هل ده حسن الصباح؟ مفيش كتاب اتفق على حسن الصباح لأن المغول حرقوا القلعة وكتبه وافكاره والموجود اجتهاد ماركو بولو او فلادمير بارتول او برنارد لويس او فرهاد دفترى وكتير جدا.. حسن الصباح كان بيعمل معجزات؟ لا طبعا، و ده تباعاً مع الحلقات هيتفهم".
![مسلسل "الحشاشين"](https://static.hiamag.com/inline-images/429669143_10160516803432054_7056317698414019270_n.jpg)
صناع مسلسل "الحشاشين" يردون على انتقادات العمل
وبرر بيتر ميمي في رسالته العديد من الاختيارات الفنية في المسلسل والتي أثارت انقسام الجمهور حوله وقال: "الحشاشين مسلسل تاريخي بالعامية المصرية، الاحداث بين أتراك و فرس، لما عملوه الأتراك اتكلموا تركي ولما عملوه الامريكان بيتكلموا انجليزي، احنا عاملينه فى مصر والترجمة موجودة فى كل بلد.. المسلسل بيتعرض فى روسيا وأمريكا واكتر من بلد كل بلد بلغتها.. هم الڤيكنجز كانوا بيتكلموا انجليزى؟ ولا ويليام والاس كان بيتكلم اللكنة الامريكية,, ليه حسن الصباح؟ حسن الصباح شخصية فذة وغريبة ومستفزة انك تعرف عنها.. مش لازم يكون رمز للخير علشان يتعمله مسلسل.. هتلر وراسبوتين كانوا فى منتهى الشر لكنهم شخصيات فذة غيرت العالم.. او على مستوانا المصرى خط الصعيد او سفاح اسكندرية".
![كريم عبد العزيز في مسلسل "الحشاشين"](https://static.hiamag.com/inline-images/424931139_404045912339507_5301523859681924654_n_2.jpg)
ورد بيتر ميمي على العديد من تساؤلات وانتقادات الجمهور في رسالته وقال: "حاجات صغيرة، أم الخليفة رصد كانت نوبية الأصل، اسكندرية مدينة فى مصر، لان فى مدن كتير باسم اسكندرية حوالين العالم، لزم التوضيح للترجمة لأن فيه غير مصريين بيتفرجوا على المسلسل، مجاعة القاهرة الفاطمية مثبتة تاريخيا لكن تعددت أشكالها حسب المصادر وهى على فكرة كانت قبل وصول حسن بفترة مش بعيدة بس ديه دراما (من وحي التاريخ).. ماتسمى بمعجزات حسن الصباح مقصود تتصور بالشكل ده و ده هيبان تباعا وخصوصا مشهد الراوي حلقة ٨.. عم ملك شاه اتقتل بوتر القوس لأن ده كان عرف وتقليد..مين الست اللى بتظهر لحسن الصباح؟ ده فى حلقة ٣٠ بقى لو ربنا ادانا عمر..".
![كريم عبد العزيز في مسلسل "الحشاشين"](https://static.hiamag.com/inline-images/366497398_1746351905793458_3605254413039777271_n_3_0.jpg)
واختتم بيتر ميمي رسالته على حسابه بفيسبوك مطالباً الجمهور بالانتظار إلى نهاية العمل وقال: "كل سنة وانتم طيبين وسعيد ان المسلسل خلاكم تقروا وتسألوا.. وشوية شوية هتفهموا المسلسل.. صحصحوا معانا كده يا شباب خلونا نعمل شكل جديد، وتبقى بداية ومع الوقت يتعمل افضل واكبر واحسن من اللى احنا عاملينه.. ومع الوقت ننافس".
![كريم عبد العزيز في مسلسل "الحشاشين"](https://static.hiamag.com/inline-images/425931684_351200037810201_3260393187549056336_n_1.jpg)
تفاصيل مسلسل "الحشاشين"
ويشارك في مسلسل "الحشاشين" طاقم عمل مميز من النجوم العرب بجانب كريم عبد العزيز، وعلى رأسهم الفنان فتحي عبد الوهاب وأحمد عيد ونيقولا معوض وميرنا نور الدين وسوزان نجم الدين وعمر الشناوي، بالإضافة إلى العديد من ضيوف الشرف، والعمل من تأليف عبد الرحيم كمال، وتدور قصة المسلسل في القرن 11 حول فرقة "الحشاشين" وزعيمها "حسن الصباح"، وتصدر المسلسل مواقع التواصل منذ عرض حلقاته الأولى بسبب الجدل حوله وانقسام الجمهور حول المستوى الفني للمسلسل وكذلك حول الأحداث التاريخية به.